Użu ieħor mit-tajts

Ħafna nies jaħsbu li t-tajts għandu ħajja qasira. La darba jilbsuh dan jitqatta u jarmuh, imma hemm diversi modi x'tista' tagħmel minflok tarmih, ikun liema qies, kulur u għamla. Il-biċċa l-kbira jkunu magħmulin minn nylon li mhuwiex bio degradibli, iġifieri dan jekk se jintrema, mhux se jitmermer. Kontu tafu li mit-tajts jagħmlu bankijiet fil-ġonna? Twapet u ġugarelli? Li jbiddel par saqajn mhux biżżejjed.


Jista' jintuża:

• Daħħal il-parti ta' fuq tat-tajts biex meta tiknes ma ttajjarx trab u tiġbor iżjed.
• Tagħmel krafts. Eżempju taħdmu bil-labar.
• Torbot il-pjanti bih.
• Meta tixkatla l-injam, tista' tgħaddi minn fuq l-injama bit-tajts u tara jekk hux xkatlata tajba.
• Tillostra ż-żarbun.
• Terfa l-basal tal-fjuri fihom.
• Terfa r-wrapping paper fihom.
• Issaffi ż-żebgħa bih.
• Tqabbad biċċa tajts mat-tarf tal-vacuum biex tiġbed xi ħaġa. (eżempju ċurkett, biex ma jibqax dieħel fil-vacuum)
• Tkun tista' tnaddaf il-brush tax-xagħar malajr billi tqabbad mas-snien tal-brush biċċa tajts, ħalli kemm tiġbed it-tajts minn mas-snien tal-brush biss.
• Timla' l-kuxins, l-imħaded, soft toys, eċċ.
• Tippakja l-bagalja, billi titfa xi ħwejjeġ ġot-tajts biex ma jitkemxux.
• Biex ma tagħmilx marka bil-labar tal-inxir mal-ġersijiet, daħħal it-tajts mill għonq għall kmiem u dendel bit-tajts.
• Tużah bħala lastiku, biex torbot bih.
• Tużah ma' sponża biex togħrok il-banju.
• Tuża l-biċċa ta' fuq bħala lasktuwa biex torbot il-garbage bags mal-barmil.
• Il-fdalijiet tas-sapun tista' titfahom ġo fih u torbtu mal-vit, ħalli hu u nieżel l-ilma jerħi s-sapun.
• Titfa' pot pourri u tagħmila fil-gwardarobba.
• Iddaħħalha ġo xi ħaġa twila biex tiġbor it-trab minn taħt l-għamara, fejn ma tistax tilħaq.
• Tqatta ftit ħwawar u bikarbonat fit-tajts biex ineħħu r-riħa tal-umdita.
• Tagħmlu mal-pipe tal-washing machine biex meta tbattal ma jinżilx il-frak għal ġod-drain.

Jekk tkun trid aktar informazzjoni tista' tħalli kumment jew tikkuntattjani.

Agħfas "Like" jekk jogħġbok l-artiklu.