Neħilsu minn nemel minġħajr ma noqtluhom

Dawn li ġejjin huma tips biex nużawhom minn fejn joħroġ in-nemel bħal toqob u xquq. In-nemel iħallu riħa biex ikunu jafu minn fejn ġħaddew, għaldaqstant nużaw dawn it-tips li ġejjin biex ifixklu lin-nemel u ma jerġgħux jiġu.

1. Jekk tpinġi linja twila bil-ġibs minn fejn ikun għadda in-nemel, in-nemel ma jerġax jgħaddi għax il-ġibs jeħel ma saqajhom u jdejjaqhom.
2. Inferxu l-bikarbonat fejn jgħaddi in-nemel għaliex il-bikarbonat jeħel ma saqajn in-nemel ukoll. L-istess bħal tal-ġibs.
3. Tisprejja ħall abjad jew apple cider pur jew imħallat mal-istess ammont ta' ħall u ilma.
4. Minflok tarmi l-kafe mitħun meta tużah, ferxu minn fejn ġej in-nemel.
5. Għasar il-lumi u poġġi l-meraq fejn hemm ix-xquq u t-toqob minn fejn joħroġ in-nemel.
6. Ferrex il-bżar iswed fejn hemm ix-xquq u t-toqob minn fejn joħroġ in-nemel.
7. Ħwawar bħal nanieħ niexef u mfarrak, tea bags tan-nanieħ, essential oil tan-nanieħ, bżar Cayenne, kannella u weraq tar-rand huma tajbin ukoll biex in-nemel ma jiġix.
8. Il-qxur tal-ħjar idejjaq lin-nemel ukoll.

Metodu ieħor huwa:

• Żewġ kikkri ħall abjad.
• Erba' imgħaref bżar Cayenne.
• Kikkra qxur tal-grape fruit tal-lumi u tal-larinġ maħkuka.
• Żewġ sinniet tewm imqattajn irqaq ħafna.
• Ħawwad kollox flimkien.
• Għamilhom ġo flixkun biex tisprejja fejn tara n-nemel.

Tista wkoll tagħmel marfa tewm mitħun ma' litru ilma u sprejja.

Jekk tkun trid aktar informazzjoni tista' tħalli kumment jew tikkuntattjani.

Agħfas "Like" jekk jogħġbok l-artiklu.